Müdafiə sənayesi naziri Mədət Quliyev Türkiyə Müdafiə Sənayesi Komitəsinin nümayəndə heyətini qəbul edib

10-11 mart tarixlərində Bakıda “Azərbaycan Respublikası Hökuməti ilə Türkiyə Respublikası Hökuməti arasında müdafiə sənayesi sahəsində əməkdaşlığa dair Saziş” çərçivəsində yaradılmış İşçi Qrupunun ikinci iclası keçirilir. Hər iki ölkənin müdafiə sənayesi sahəsindəki mütəxəssislərinin iştirak etdiyi iclasın yekunu olaraq 11 mart tarixində yekun protokolun imzalanması nəzərdə tutulub.

10 mart tarixində müdafiə sənayesi naziri Mədət Quliyev Türkiyə Müdafiə sənayesi komitəsinin Beynəlxalq əməkdaşlıq idarəsinin müdiri Murat Ceranı qəbul edib. Görüş zamanı Türkiyə Müdafiə Sənayesi Komitəsi və Azərbaycan Respublikası Müdafiə Sənayesi Nazirliyinin müəssisələri arasında perspektiv əməkdaşlığın genişləndirilməsi və yeni sahələrin yaradılması istiqamətində fikir mübadiləsi aparılıb.

Qeyd edək ki, 2017-ci ilin 31 oktyabr tarixində “Azərbaycan Respublikası Hökuməti ilə Türkiyə Respublikası Hökuməti arasında müdafiə sənayesi sahəsində əməkdaşlığa dair Saziş” imzalanıb. Saziş çərçivəsində hər iki təşkilatın nümayəndələrindən ibarət İşçi Qrupu yaradılıb və iki ildən bir İşçi Qrupun iclası həyata keçirilir. Tərəflər arasında ilk iclas 2019-cu ildə Ankara şəhərində baş tutub.

Paylaşmaq üçün linki kopyala:

Yazını paylaş

Baxış sayı:

646