Elmi-Tədqiqat İnstitutu və “Azərbaycan” qəzeti Ulu Öndər Heydər Əliyevin 100 illik yubileyi ilə bağlı konfrans keçirib
Azərbaycan Respublikasında 2023-cü ilin “Heydər Əliyev İli” elan olunması ilə bağlı Müdafiə Sənayesi Nazirliyinin Elmi-Tədqiqat İnstitutu və “Azərbaycan” qəzeti birgə konfrans keçirib.
Elmi-Tədqiqat İnstitutunda baş tutan konfransda Milli Məclisin deputatı, “Azərbaycan” qəzetinin baş redaktoru Bəxtiyar Sadıqov, müdafiə sənayesi nazirinin müşaviri Arif Babayev, Nazirliyin şöbə müdiri Məmmədsaleh Əliyev, ETİ-nin direktoru professor Mürsəl Əliyev və hər iki qurumun məsul əməkdaşları iştirak ediblər.
Tədbir iştirakçıları əvvəlcə Ulu Öndər Heydər Əliyevin abidəsi önünə tər gül dəstələri qoyub, dahi şəxsiyyətin xatirəsini ehtiramla yad ediblər.
Akt zalında davam edən tədbirdə Ulu Öndər Heydər Əliyevin əziz xatirəsi bir dəqiqəlik sükutla yad edilib və Azərbaycan Dövlət Himni səsləndirilib.
Daha sonra ETİ-nin direktoru, professor Mürsəl Əliyev “Azərbaycanın zəfər salnaməsi: Heydər Əliyevdən İlham Əliyevə”, Milli Məclisin deputatı, “Azərbaycan” qəzetinin baş redaktoru Bəxtiyar Sadıqov “Xilaskar, Müzəffər Komandan”, Müdafiə sənayesi nazirinin müşaviri Arif Babayev "Heydər Əliyev və Azərbaycanın müdafiə sənayesi" mövzusunda çıxışlar ediblər.
Çıxışlar zamanı Ümummilli Lider Heydər Əliyevin zəngin siyasi fəaliyyəti dövründə Azərbaycan dövlətinin və xalqının gələcək rifahı naminə həyata keçirdiyi müstəsna xidmətlərdən bəhs edilib. Bildirilib ki, adını tarixə xalqın xilaskarı, müasir Azərbaycanın memarı və qurucusu kimi yazdırmış Heydər Əliyevin siyasi irsinin layiqli davamçısı Prezident cənab İlham Əliyevin müdrik rəhbərliyi ilə Azərbaycan bütün sahələrdə intibah mərhələsinə qədəm qoyub.
Ali Baş Komandanımızın rəhbərliyi ilə Azərbaycanın dövlətçilik tarixinin və hərbi salnaməsinin şərəfli səhifəsini təşkil edən 44 günlük Vətən müharibəsindəki tarixi Zəfərin qazanılmasında Müdafiə Sənayesi Nazirliyinin rolundan bəhs edilib, Nazirliyin istehsal etdiyi silah və sursatların bu sınaqdan layiqincə çıxdığı diqqətə çatdırılıb.
Paylaşmaq üçün linki kopyala:
Yazını paylaş
Baxış sayı:
1897
Oxşar yazılar
07.11.2025, 17:31
MAKA-da Zəfər Günü qeyd olunub
07.11.2025, 17:00
Azərbaycan və Slovakiya arasında müdafiə sənayesi sahəsində əməkdaşlıq əlaqələri müzakirə edilib
27.09.2025, 12:07
Müdafiə Sənayesi Nazirliyinin kollektivi Zəfər parkını ziyarət edib
26.09.2025, 12:02
MSN-in rəhbərliyi AzTU-nun tələbələri ilə görüşüb
24.09.2025, 11:57
Hidayət Əzimovun rəhbərlik etdiyi nümayəndə heyəti “Partner 2025” sərgisində iştirak edir
23.09.2025, 11:45
“Azərbaycan silahının gücü” mövzusunda tədbir keçirilib
19.09.2025, 14:58
"Konstitusiya və Suverenlik İli”nə həsr olunmuş konfrans keçirilib
19.09.2025, 11:41
“Konstitusiya və Suverenlik İli”nə həsr olunmuş konfrans keçirilib
12.09.2025, 12:00
“KIA Corporation” şirkəti ilə tərəfdaşlığa dair müzakirələr aparılıb
11.09.2025, 10:15
Müdafiə Sənayesi Nazirliyi ilə Çinin “ALIT” şirkəti arasında əməkdaşlıq imkanları müzakirə edilib